Deirtí liom agus mé níos óige ‘Ná déan nós agus ná bris nós.’
Measaim gur droch-chomairle é sin. Is toradh carnach é do shaol ar do nósanna laethúla. Aon sprioc atá agat, tá ort nósanna laethúla a cheangailt leis le go mbeidh aon seans agat é a bhaint amach.
Le dianghlasáil eile á chur i bhfeidhm anois, beidh orainn féachaint ar nósanna laethúla a chabhróidh linn teacht slán as.
Seo liosta nósanna laethúla (a bhuíochas le Dr Rangan Chatterjee) a chabhróidh linn an sprioc sin a bhaint amach;
- Gnáthamh an Lae – cruthaidh rithim laethúil duit féin ag tosnú, gan dabht, ar maidin le struchtúr simplí gur féidir leat a leanúint.
- Déan iarracht am a chaitheamh sa Nádúr gach lá.
- Bog do chorp. Is cuma pé chomh mór nó beag an iarracht. Bog.
- Glaoigh ar chara nó gaol gach lá. Tá comhrá níos fearr ná téacs.
- Déan machnamh ciúin ar feadh cúpla nóiméad. Éist le do mhothúcháin.
- Fan amach ón Nuacht más féidir leat. Éist leis nó féach ar an Nuacht uair amháin i rith an lae, más gá, ach ná caith an lá leis.
- Léirigh buíochas. Breac nóta de thrí rud as a bhfuil tú buíoch nó bain úsáide as Rós, Rós, Dealg, Bachlóg le do thuairimí a bhreacadh nó a roinnt leis an gclann.
- Bí cineálta. Leat féin. Le do cháirde. Leis na húdaráis – is daoine iad chomh maith!
- Más ag obair ón mbaile atá tú, déan iarracht ar teorainn ama agus spás a chruthú idir ‘obair’ agus ‘baile’.
- Smaoinigh, nach bhfuil ann ach seal.
Go n-éirí libh.
Spreagadh Saoil 